Almaniya kansleri Olaf Şolz partiyasına etimadın azalması səbəbindən 2024-cü ilin əvvəlində postunu tərk edə bilər.

Bu barədə “Bild”in hakimiyyətdaxili mənbələri məlumat verib.

Nəşrin fikrincə, onun yerini bu yaxınlarda ən məşhur alman siyasətçilərinin reytinqinə başçılıq edən müdafiə naziri Boris Pistorius tutacaq.

“Kanslerin istefasına səbəb “Wirecard” və onun rəhbəri Yan Marsaleklə (hazırda Moskvada gizlənir) 2020-ci il qalmaqalı da ola bilər. Həmin vaxt İqtisadiyyat Nazirliyinə rəhbərlik edən Şolz idi və Almaniya tarixində İkinci Dünya Müharibəsindən sonra ən böyük fırıldaqçılıq sxeminə şahid olmuşdu”, – deyə məqalədə qeyd olunub.