Misir hakimiyyəti Qəzza zolağına humanitar yüklərin daşınması üçün “Kərəm-Şalom” keçid məntəqəsini açıb.

Bu barədə NBC telekanalı Misir Qızıl Aypara Cəmiyyətinin Şimali Sinay əyalətindəki bölməsinin rəhbəri Xalid Zaidə istinadən məlumat yayıb.

Onun sözlərinə görə, artıq 79 yük maşını Fələstin anklavına getməzdən əvvəl yoxlamadan keçmək üçün keçid məntəqəsinə göndərilib.

Qeyd edək ki, keçən həftə “Arab World Press” “Kərəm-Şalom” vasitəsilə Qəzza zolağına yardımın İsrailin sərhəd keçidinin Fələstin tərəfinə endirdiyi zərbə ilə əlaqədar dayandırıldığını bildirmişdi.