“İsrail Müdafiə Qüvvələrinin bölmələri Qəzza zolağında quru əməliyyatlarını genişləndirir”.

Bu barədə İsrail Müdafiə Qüvvələrinin spikeri Daniel Həcəri məlumat yayıb.

“Son bir neçə gün ərzində həyata keçirdiyimiz hücum fəaliyyətini davam etdirən quru qoşunları bu gün axşam saatlarında quruda fəaliyyətlərini genişləndirir. Son saatlarda sektora hücumların intensivliyi xeyli dərəcədə artırılıb. Hücumlar havadan, qurudan və dənizdən həyata keçirilir”, - Həcəri bildirib.

İsrail ordusunun sözçüsü zolağın şimal hissəsində yerləşən Qəzza şəhərinin sakinlərini evlərini tərk edərək anklavın cənubuna köçməyə çağırıb.

HƏMAS rəsmiləri öz növbəsində bildiriblər ki, Qəzza zolağında internet kəsilib.