Avstriyada prezident seçkiləri ilə bağlı səsvermə başlayıb.

Dövlət başçısı postu uğrunda yeddi namizəd, o cümlədən ölkənin hazırkı lideri Aleksandr Van der Bellen mübarizə aparır. Seçki məntəqələri yerli vaxtla səhər saat 7-də açılıb və saat 17.00-a qədər işləyəcək.

Son sorğulara görə, Van der Bellen avstriyalıların dəstəyinə görə liderdir və seçkilərin birinci turunda qələbə qazanacağı gözlənilir. 

Avstriyanın hazırkı prezidenti reytinqin 51%-dən 59%-ə qədər toplayır ki, bu da onun seçkilərin birinci turunda qələbə qazanmasına səbəb ola bilər. Siyasətçinin əsas rəqibləri sağçı "Avstriya Azadlıq Partiyası"nın nümayəndəsi Valter Rozenkranz və müstəqil namizəd Tassilo Valentindir - onlar müvafiq olaraq 16% və 9% reytinqə malikdirlər.

Birinci turun ilkin nəticələrinin seçki məntəqələri bağlandıqdan sonra açıqlanacağı gözlənilir. Eyni zamanda, parlamentli respublikada prezident vəzifəsinin özü əsas etibarilə nümayəndəlik funksiyalarını yerinə yetirir və dövləti idarə etmək üçün əsas səlahiyyətlər parlamentdədir.