Rusiyanın Federal Təhlükəsizlik Xidməti Moskva, Kabardin-Balkar və Həştərxan vilayətində bir neçə terror aktının qarşısını alıb.

regionxeberlericom.az “TASS” agentliyinə istinadən xəbər verir ki, Federal Təhlükəsizlik Xidmətinin İctimaiyyətlə əlaqələr mərkəzinin yaydığı məlumata əsasən, xidmət İŞİD beynəlxalq terror təşkilatının üzvləri tərəfindən 2021-ci ilin yayında Rusiya ərazisində törədilməsi planlaşdırılan bir sıra terror aktlarının qarşısını alıb.

Həyata keçirilən tədbirlər nəticəsində 6 cinayətkar zərərsizləşdirilib, 2-si isə saxlanılıb.

Həmçinin, Moskvada iki terror aktının qarşısı alınıb, iki şübhəli şəxs saxlanılıb.

Bundan əlavə, FTX əməkdaşları Moskvada insanların kütləvi olduğu yerlərdə partlayıcı qurğunu işə salmaqla terror aktı törətməyə hazırlaşan İŞİD təşkilatının üzvünü ələ keçiriblər.

Həştərxan vilayətində və Kabardin-Balkarda terror təşkilatlarının altı iştirakçısı zərərsizləşdirilib.


Paylaş: