Ukrayna prezidenti Volodimir Zelenski Rusiya qüvvələrinin Lvova hücumu ilə bağlı danışıb.

Bu barədə BBC məlumat yayıb.

“Terrora ədalətli cavab vermək üçün bizə uzaqmənzilli silahlar lazımdır. Şəhərdəki adi yaşayış binaları, məktəblər və tibb müəssisələrinə ziyan dəyib”, - o qeyd edib.

Zelenskinin sözlərinə görə, Lvovdan başqa Krivoy Roqa da hücum edilib, 5 nəfər yaralanıb. Ukrayna prezidenti bir daha Qərb müttəfiqlərini terrora ədalətli cavab vermək üçün Ukraynanı uzaqmənzilli silahlarla təmin etməyə çağırıb.