“Kursk vilayətində vəziyyət mürəkkəbdir, 28 yaşayış məntəqəsi Ukraynanın nəzarətindədir”.

“RİA Novosti” xəbər verir ki, bu barədə vilayətin qubernatoru səlahiyyətlərini icra edən Aleksey Smirnov bildirib.

Onun sözlərinə görə, Kurskda Ukrayna Silahlı Qüvvələrinin hücumları nəticəsində 12 mülki şəxs həlak olub, 121 nəfər yaralanıb.

“Bu günə qədər 121 minə yaxın sakin Kursk vilayətinin sərhəd rayonlarını tərk edib. Vilayətdən olan 2 minə yaxın insanın taleyi məlum deyil”, - deyə o əlavə edib.