Britaniya kralı III Çarlz keçən həftə prostat vəzi əməliyyatı zamanı diaqnoz qoyulan xərçəng xəstəliyinin müalicəsinə başlayıb.

Bu barədə Bukingem Sarayının yaydığı bəyanatda deyilir.

“Kralın bu yaxınlarda prostat vəzinin xoşxassəli böyüməsi ilə əlaqədar tibbi prosedur üçün xəstəxanaya yerləşdirilməsi zamanı daha bir narahatlıq səbəbi müəyyən edildi. Sonrakı diaqnostik prosedurlar xərçəngin bir formasının olduğunu təsdiqlədi”, - məlumatda deyilir.

Bildirilir ki, müalicə müddətində həkimlər 75 yaşlı monarxa ictimai vəzifələrini təxirə salmağı tövsiyə ediblər.