Çeçenistan rəhbəri Ramzan Kadırovun oğlu Adam Kadırov Çeçenistan Respublikası Qəhrəmanı adına layiq görülüb.

Bu barədə Rusiya Dövlət Dumasının deputatı Adam Delimxanov məlumat yayıb.

O, 15 yaşlı Adam Kadırovu çox gənc yaşlarından liderlik və təşkilatçılıq keyfiyyətləri nümayiş etdirən, həmişə öz inkişafı üçün çalışan və heç vaxt vaxtını boşuna itirməyən hərtərəfli təhsilli və məqsədyönlü gəncin parlaq nümunəsi adlandırıb.

Qeyd edək ki, bu ilin mayında Quranın yandırılması işi üzrə həbs edilən Nikita Juraveli istintaq təcridxanasında Adam Kadırov tərəfindən döyüldüyünü bildirib. Sentyabrın ikinci yarısında Çeçenistan rəhbəri Ramzan Kadırov oğlunun Juraveli döyməsinin videosunu yayıb. Videoya verdiyi şərhdə respublika rəhbəri oğlunun hərəkətindən qürur duyduğunu bildirib.