Bu gün Tacikistanda 6,8 bal gücündə zəlzələ qeydə alınıb.

Bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, yeraltı təkanların episentri 10,8 min nəfərin yaşadığı Murqaba kəndindən 66 km cənub-qərbdə yerləşib. Zəlzələnin mərkəzi 20 km dərinlikdə yerləşib.

Daha əvvəl zəlzələnin 7.1 bal gücündə olması məlumat yayılıb.

Çin Seysmoloji Mərkəzinin məlumatına görə isə, Pekin vaxtı ilə saat 08:37-də (Bakı vaxtı ilə 04:37) 7,2 bal gücündə zəlzələ baş verib. Ocaq 10 km dərinlikdə yerləşib.