Gürcüstanda “Vivamed” klinikasında müalicə edilən eks-prezident Mixail Saakaşvilinin vəziyyəti mütəxəssislərdə ciddi narahatlıq doğurub.

Həkimlər Saakaşvilinin bədənindəki iltihab prosesi və ani çəki itkisinin təhlükəli olduğunu qeyd ediblər.  Bununla bağlı Saakaşvilinin vəkilləri ABŞ və İsveçrədən bir qrup nüfuzlu eksperti dəvət etməyi təklif edirlər.

“Mixail Saakaşvilinin vəziyyəti o qədər ağırdır ki, o, müalicə üçün dərhal başqa ölkəyə aparılmalıdır. O, 11 kiloqram arıqladığını bildirib. Bu, Mixail Saakaşvilinin müalicəsinin necə davam edəcəyi ilə bağlı sırf siyasi qərardır. Bildirmək istəyirik ki, onun Gürcüstanda müalicə alması mümkün deyil”, - deyə qeyd olunub.