Los-Ancelesdə keçirilən 94-cü “Oskar” kino mükafatının təqdimetmə mərasimində alopesiyadan (keçəlləşmə) əziyyət çəkən həyat yoldaşı Cada Pikett-Smiti lağa qoyan tədbir aparıcısı Krik Roku şillələyən aktyor Uill Smitin “Ən yaxşı kişi rolu” nominasiyası üzrə aldığı mükafatı geri alına bilər.

Bu barədə “New York Post”  xəbər verir.

“Bu, təhqirdir... Düşünürəm ki, Uill öz “Oskar”ını vermək istəməzdi, amma kim bilir, indi nə olacaq”, - nəşr insayderin sözlərini sitat gətirir.  

Qeyd edək ki, Los-Anceles polisi bu məsələ ilə məşğul olmayacaq. Belə ki, Kris Rok ondan instaqram hesabı vasitəsilə ictimai şəkildə üzr istəyən Uill Smitdən şikayət verməyib.