Tanınmış televiziya aparıcısı Elçin Əlibəyli məmur qohumlarının vəzifəyə təyin olunmasına və mediyaya qapalı olan mətbuat xidmətlərinin rəhbərlərinə etiraz edib.
Cebhe.info xəbər verir ki, E.Əlibəyli məsələyə sarkazmla (ədəb) yanaşıb.
İki işi təcili etmək lazımdır:
1. Dövlət Qohumlar Komitəsi yaradıb (30 min ştatla) bütün məmurların qohumlarını ora işə götürmək lazımdır. Bütün ştatların adı da komitə sədri olsun. Çünki dövlət qurumları MMC-yə çevrilib;
2. Jurnalistlər, redaktorlar, lap media generalları da birləşib, bir qurumun mətbuat xidmətinin rəhbərini girov götürməlidir. Şərt isə "MX rəhbərləri danışsınlar" olmalıdır. Başqa yol yoxdur.
Səhər iclasda, günorta naharda, axşam üstü yasda, axşam istirahətdə olurlar və onları narahat etmək olmaz. Bazar ertəsi - "ağır gün", çərşənbə axşamı - "dünən ağır gün idi", çərşənbə -"həftə içidir", cümə axşamı - "yasdayıq", cümə - "namazdayıq" (şənbə və bazarı da yazmıram, hamı bilir) bəhanələri ilə dövlətin, hökümətin işini təbliğ etmək olmaz!
Gənclər təyinat alanda sevinmişdik, indi onlar balaca padşahlar olublar. Barı, yaşlı MX rəhbərli cavab verirdilər.


Paylaş: