B.Əliyeva soyadlı xanım “Facebook”dakı şəxsi səhifəsində etdiyi paylaşımda “Sabina Perfumery Cosmetics” şirkəti ilə bağlı ittiham səsləndirib.

Paylaşım çoxsaylı “Facebook” istifadəçiləri tərəfindən müzakirə olunub və əksəriyyət də şərhlərində “Sabina Perfumery Cosmetics” haqda tənqidi fikirlər bildiriblər.

İstifadəçilər paylaşımın haqlı olduğunu, bəziləri isə adıçəkilən şirkətin məhsullarını alarkən oxşar hallarla rastlaşdığını yazıblar. Bir çoxları “Sabina Perfumery Cosmetics”in istehlakçıları aldatdığını və mallarını alıcılara sırıdığını bildiriblər. Şərh yazanlar arasında məhsulu qaytarmağı məsləhət verənlər və bu şirkətin məhsullarını almamağı tövsiyyə edənlər də olub.

Şikayətçinin yazdığı statusu və paylaşdığı şəkilləri olduğu kimi təqdim edirik: “Mənim şikayətim “Sabina Perfumery Cosmetics” şirkətindəndir. 5-ci gün “Sabina Perfumery Cosmetics”in dükanından alış-veriş etdim. Kassada mənə kremi hədiyyə kimi verdilər. Məlum oldu ki, kremdən son istifadə tarixi keçib. Vaxti kecmiş mallarını tullamaga deyəsən heyifləri gəlir deyə camaata hədiyyə kimi verirler. Ayıb olsun”.
//AFN.AZ




Paylaş: