İqtisadçı-alim: “Öz tərəfimdən ABŞ-da Yasinin qarşılayıb, yerləşdirilməyi öhdəmə götürürəm”

Türkiyənin Sabancı Universietinin bakalavr pilləsində təhsil almaq üçün 56 min dollar (bu Universitetdə xarici tələbələr üçün 1 illik təhsil haqqı 18 min dollardır) məbləğində tam təqaüd qazanan 17 yaşlı istedadlı gənc Yasin Quliyevin adı ölkə medaisının gündəmindın düşmür.

Amerikanın Rutgers Universitetinin professoru, ADR Hərəkatının lideri Qubad İbadoğlu bu gənclə bağlı ictimaiyyətə, Təhsil nazirliyinə, xeyriyyəçilərə və mətbuata çağırış edib.

“AzPolitika” həmin müraciəti dərc edir:

“Türkiyənin Sabancı Universietinin bakalavr pilləsində təhsil almaq üçün 56 min dollar (bu Universitetdə xarici tələbələr üçün 1 illik təhsil haqqı 18 min dollardır) məbləğində tam təqaüd qazanan 17 yaşlı istedadlı gənc Yasin Quliyevin uğuru yalnız onun, ailəsinin və vaxtıilə mənim də məzun olduğum məktəbin – Fizika, Riyaziyyat və İnformatika Təmayüllü Liseyin – deyil, həmçinin Azərbaycanın adınadır. Açıqlamalarından gədiyim qənaət ondan ibarətdir ki, Yasin ABŞ-ın bir çox universitetlərindən qəbul alsa da, Türkiyənin Sabancı Universitetini seçib, çünki, yalnız bu Universitet onu təhsil haqqı ödəməkdən tam azad edib. Bununla yanaşı, Yasin ABŞ-ın Massaçusets Boston, İllinoys, Şimali Florida Universitetlərinə də qəbul olub. Göründüyü kimi onlar arasında dünyaca məşhur ABŞ universitetləri vardır, lakin həmin universitetlər onu təhsil haqqından qismən azad edir. Çox istərdim ki, Azərbaycanın istedadı Yasin Quliyev ABŞ-da təhsil alsın. Odur ki, burdan Təhsil Nazirliyinə, yerli fondlara və donorlara, iş adamlarına, xeyriyyəçilərə müraciət edirəm, gəlin Yasin Quliyevin bir çox reytinq cədvəllərində dünya üzrə ilk yüzlükdə qərarlaşan ABŞ Universitetlərinin birində (The Times Higher Education World University Rankings 2019 görə, dünyanın 1250 seçilmiş Universiteti arasında Sabancı isə 351-400-cü yerdədir) təhsil almasına dəstək olaq. Unutmayaq ki, bu cür işıqlı gənclərin təhsilinə töhfə ölkəmizin gələcəyinə qoyulan ən qiymətli sərmayədir. Mən də öz tərəfimdən ABŞ-da Yasinin qarşılayıb, yerləşdirilməyi öhdəmə götürürəm. Mətbuatdan da xahişim odur ki, bu təşəbbüsün ictimailəşdirilmədinə dəstək versinlər.

Yeri gəlmişkən bir zəruri qeyd etmək istərdim. Yasin Quliyevi şəxsən tanımıram, sadəcə kimliyindən asılı olmayaraq istedadlı və işıqlı azərbaycanlı gənclərə sonsuz rəğbətim var, kaş o vaxtında xaricdə təhsil şirkətinə deyil, mənə müraciət edəydi, mən onun ABŞ Universitetlərindən, xüsusilə də MİT-dən tam təqaüd qazanmasına yardımımı da əsirgəməzdim”.


Paylaş: