8 saylı Binəqədi birinci seçki dairəsindən namizəd Hacılı Mustafa seçki məntəqələrində qanun pozuntularının olması ilə bağlı MSK-ya müraciət edib.

Bu barədə Komissiyanın bu gün keçirilən iclasında MSK-nın katibi Arifə Muxtarova məlumat verib.

Hacılı Mustafa səsvermə günü qanun pozuntularının olduğunu iddia edib. O, qeyd edib ki, səslərin hesablanması qanuna uyğun aparılmayıb. Ərizəçi müraciətə 16 akt, bir ədəd elektron material əlavə edib. Sözügedən videogörüntülərə komissiya üzvləri baxış keçirib və məlum olub ki, videolar küçədə çəkilib.

Orada hansısa hüquq pozuntusu öz əksini tapmayıb. Dairə seçki komissiyası şikayətlərin əsassız olduğunu bildirib və buna görə də müraciət təmin olunmayıb.

Təklif səsə qoyularaq qəbul edilib.