İyun ayı ərzində Səhiyyə Nazirliyi Analitik Ekspertiza Mərkəzi tərəfindən 23 aptekdə yoxlama aparılıb. 

Bu barədə Analitik Ekspertiza Mərkəzi məlumat yayıb.

Bildirilib ki, Bakı şəhəri üzrə 20, respublikanın digər şəhər və rayonlarında isə 3 aptek olmaqla, ümumilikdə 23 aptekdə yoxlama aparılıb.

21 aptekdə planlı, 1 aptekdə plandankənar və 1 aptekdə yoxlamadan kənar təftiş aparılıb.

Yoxlamalar zamanı 3 aptekdə nöqsanlar aşkarlanıb. İnzibati Xətalar Məcəlləsinin  210.1, 452.3 maddələri üzrə protokollar tərtib edilib.