“Qızıl mədəni də Amerikanındır, FETÖ-də Amerikada oturub. FETÖ-çülər meydan sulayır. Sosial şəbəkələr FETÖ-çülərin əlindən qan ağlayır”. 

Bu fikirləri deputat Aqil Abbas Milli Məclisin plenar iclasında bildirib.

Millət vəkilinin sözlərinə görə, ora camaatı da, polisi də çıxarıb “üzə qaz sıx” deyən də eyni əldir: “Bu qruplar milli etnik, məzhəb davaları salırlar. Orada icra başçısı Orxan Mürsəlov, icra nümayəndəsi, bələdiyyə sədri var. Onlar bu hadisələri hiss etmirdilər? Niyə işləyirlər orada? Kəndlinin ayağına getmək onlarla söhbət etmək lazım idi. Polisi nüfuzdan salmaq ölkənin bel sütununu sındırmaq deməkdir”.