Vətəndaş Pirişov Elnur Rafiq oğlu qardaşı Pirişov Elçinin altı aydan artıqdır ki, əsassız olaraq həbs olunduğunu bildirib.

Bu haqda uzun müddətdir qardaşı səbəbi bilinməyən, əsassız, bizə məlum olmayan işlərə görə istintaq altında saxlanılır.  
Onun sözlərinə görə, qardaşı 2019-cu ilin yanvar ayının əvvəlində məlum olmayan səbəblərdən xüsusilə ağır cinayətlərin istintaqını aparan Azərbaycan Respublikası Baş Prokurorluğunun Ağır Cinayətlərə dair işlər üzrə İstintaq İdarəsinə verilib.  O düşünür ki, hadisə kiminsə ailə probleminə görə qisas alınmaqla bağlıdır: 
“Bir nəfər vəzifəli şəxsin öz arvadı ilə xəyanət ehtimalı ilə problem olub və həmin şəxs xəyanətdə mənim qardaşımı günahlandırdığından prokurorluq orqanlarının əli ilə qardaşımdan qisas almaq fikrinə düşüb. 
Həmin şəxsin arvadı ilə bağlı dəfələrlə qardaşım dindirilib və qardaşımın istintaqa təqdim etdiyi telefon mesajlarında onun hər hansı bir təqsirinin olmaması müəyyən olunub. Etika xatirinə həmin şəxsin adını indi çəkmirəm”.
Elnur Pirişov qardaşının bütün hüquqlarının, o cümlədən telefon, görüş, yazışma hüquqlarından məhrum edildiyinin iddia edir. Bildirir ki, cinayət işi ilə qardaşından ailə qisası alınması davam edəcəyi təqdirdə həmin şəxslə bağlı mətbuat vasitəsilə ölkə rəhbərliyinə açıq məktubla müraciət edəcək:
“Qeyd edim ki, qardaşım ağır şəkər xəstəliyindən əziyyət çəkir və şəraitsiz vəziyyətdə saxlanılmaqla xəstəliyi daha da ağırlaşıb. 7 ay müddətində isə mən qardaşımla hal-əhval belə tuta bilmirəm. Artıq qardaşım özünə intihar etmək məcburiyyətində qalıb. Bütün bunları göstərməklə güman edirəm ki, aidiyyəti qurumlar tərəfindən mənim haqq səsimə səs verən olacaq və adını çəkmək istəmədiyim vəzifəli şəxsin öz ailə dramına görə qardaşımdan qisas almasının qarşısı vaxtında alınacaqdır”. 



Paylaş: