Bir neçə gün əvvəl Bakı şəhərinin 162 saylı məktəbində 14 yaşlı Elina Hacıyevanın özünü üçüncü mərtəbədən ataraq intihar etməsi gündəm yaradıb.

Qızcığazın uşaqlara xas olmayan qəddarlığın qurbanı olması, yaşamağı yox, ölümü seçməsi son illər baş verən oxşar hadisələri yada salıb.

Təhsil üzrə ekspert Kamran Əsədov son illər intiharı son çarə olaraq görmüş məktəblilərin siyahısını Oxu.Az-la bölüşüb:

"1. 11 oktyabr 2018-ci il: Qaradağ rayon 302 nömrəli tam orta məktəbdə 3-cü sinif şagirdi intihara cəhd edib.

2. 25 fevral 2015-ci il: Cəlilabad şəhər 7 saylı orta məktəbdə 7-ci sinif şagirdi, 13 yaşlı şagird özünü məktəbin 3-cü mərtəbəsindən atıb.

3. 4 aprel 2019-cu il: Bakı şəhəri 162 saylı orta məktəbin 8-ci sinif şagirdi Elina Hacıyeva özünü məktəbin 3-cü mərtəbəsindən atıb.

4. 28 dekabr 2016: Zirə qəsəbəsində yerləşən 241 saylı orta məktəbin 11-ci sinfində oxuyan Firuz Kamal oğlu Məmmədov evin hamamında özünü asıb.

5. 11 Mart 2018: Gəncə şəhəri, Cavad xan qəsəbəsi sakini, 17 yaşlı, 11-ci sinif şagirdi Mədətov Səbuhi Əli oğlu özünü asaraq intihar edib.

6. 4 dekabr 2017: 2005-ci il təvəllüdlü - 12 yaşlı Adıgözəlov İsmayıl Çingiz oğlu yaşadığı evin həyətindəki tövlədə özünü kəndirlə asaraq intihar edib.

7. 4 dekabr 2015-ci il: Sabirabad rayonu Ahısxa kəndi, 2000-ci il təvəllüdlü, IX sinif şagirdi Rahilə Əlicanova bitki dərmanı içərək intihar edib.

8. 20 aprel 2015-ci il: Kürdəxanı qəsəbəsində 2003-cü il təvəllüdlü, VI sinif şagirdi Ruslan Həsənli yaşadığı evdə özünü asıb.

9. 9 fevral 2019: Biləsuvar rayonunda 2004-cü il təvəllüdlü, A.Həsənov adına Çinarlı kənd tam orta məktəbinin 9-cu sinifdə təhsil alan Asəf Xeyrulla oğlu Həsənov özünü qonşunun bağında ağacdan asaraq, intihar edib.

10. 16 sentyabr 2015-ci il: Cəlilabad rayonu Gülməmmədli kənd sakini, 12 yaşlı VI sinif şagirdi həyətlərindəki yardımçı tikilidə özünü asıb”.

regionxeberlericom.az 



Paylaş: